आणि तरीही तो मला लहानच समजतो ||

त्याच्याही नकळत मला न्याहाळत असतो
नजर वळवून हळूच त्यातलं ओसंडणार प्रेम अडवतो
आणि काही घडलेच नसल्याचा मग आव आणतो
आणि तरीही तो मला लहानच समजतो ||



बोलता बोलता चुकतो मग सावरासावर करतो
शेवटी "तुला नाही ग कळणार" म्हणून विषयही टाळतो
मनात म्हणत राहतेकी आतातरी सांगून टाक सगळ
पण अजूनही तो मला लहानच समजतो ||



मित्रांची सहजच ओळख करून देतो
त्यांनी मला चिडवू नये याची ही दक्षता घेतो
"कशी वाटली " हे खुणेनेच त्यांना विचारतो
आणि तरीही तो मलाच लहान समजतो ||



मुद्दामून भेटायलाbयेतो पण सहजच आलाय अस भासवतो
माझ्याशी सोडून आईशीच गप्पा मारत बसतो
माझ लक्ष नाही पाहून हळूच एखादा कटाक्ष टाकतो
पण अजूनही तो मला लहानच समजतो ||

sms मध्ये अक्ख्या जगभरच्या गोष्टी सांगतो
अधून मधून खोटा रागही आणतो
एक छानसा गोंडस msg केला की खुश होऊन जातो
आणि तरीही हा मला लहान समजतो ||



तुला कुणी आवडत का अस खोडून विचारतो
दुसऱ्या कुणाच नाव ऐकून सैरभैर होतो
त्या खोट्या नावाची माहिती ही काढू बघतो
पण अजूनही तो मलाच लहान समजतो ||



माझी ही तीच अवस्था आहे हे सांगण्यासाठी धडपडते
तुझ्याशी नजरानजर झाली की शब्दही विसरते
आता तरी तू बोलशील अशी मनोमन इच्छा करते
अजूनही का मी तुला लहानच वाटते?



कधी वाटत आपणहून बोलून टाकाव
या मनीचे गुज तुझ्यापर्यंत पोहोचवाव
पण यापुढे काय होणार याची पूर्ण कल्पना आहे
तेंव्हा वाटत कदाचित खरच मी अजूनही लहानच आहे ||

pournima